Mere Papa

 

Papa aap aisa kyun karte ho?

Kyun apno se baat Kam karte ho?

Mummy ko dekho din bhar humse baat karti hai,

Aap kyun poore hafte mein Chand minute hi de pate ho?

Papa aap mujhse kyun nafrat karte ho?

Subah aankh khulne se pehle hi nikal jaate ho,

Din bhar phone bhi nahi uthate ho,

Aur raat ko mere sho jaane ke baad hi Laut aate ho.

Kya kabhi aap mere school Gaye ho?

Kya kabhi mujhe khelte dekhe ho?

Kya kabhi mere teachers se meri taarif shune ho?

Kya kabhi meri shikayatein gine ho?

Tyoharon mein main aur mummy saath khate the,

Kyunki aap der taak Ghar nahi aa paate the.

Daftar par man hi man yahi dohrate,

Kaash sab chhorkar hamare paas aa paate.

Aaj aapke ke dard ko maine pehchana,

Aapka Daftar se Laut kar Bina khaye sho jaana,

Aapka Har tyohar mein der se aana,

Aur haar saal aapka Mera birthday bhool jaana.

Kaash yeh main tab samajh pata,

Toh Diwali mein itne mehenge patakhe nahi jalata,

Mehengi mithai bhi thore kaam khata,

Taaki mere papa apne liye ek chappal toh Naya le pata.

Kaash kabhi itna kaabil ban jaaon,

Ki aapko saari khushiyan main de paaon.

Kabhi haath mat chhorna papa kyunki,

Apke bagair toh main do kadam na chal paaon.

Written by: Kristen Ali