Dosti

Kal phir woh dost yaad aayenge,

Jab hum sab apni mukam par pohunch jayenge.

Ek cup chai yaad teri dilaigi,

Aur haste haste ankhein yunhi num ho jayegi.

Jo haseen lamhein bitayein the saath tere,

Kaise bataun woh kitne khaas the, yaar mere.

Har din, rat, shaam, savere,

Apne dosti ke kisse yaadon me mere.

Aaj zindagi kitni khushal hai,

Phir bhi man mein kyun itne sawal hai?

Yaad hai woh saath rehne ka haseen wada,

"Har sukh, har dukh baant lenge aadha aadha."

Kitne masoom aur nadan the hum,

Jo sochte the ke saath chalenge har dum.

Kal jis dost se meri zindagi thi poori,

Aaj uss dost se zyada koi aur hai zaroori.

Aaj zindagi ne aisi karwat li hai,

Apne kisse toh dur Teri yaad bhi kabhi kabar aati hai,

Phone mein Tera naam toh hai,

Par Tera call nahi pohunch pati hai.

Har din sochta hoon tujhse baat karun,

Par apne ghamand se haar jata hoon.

Kal Tak jisse do minute ki bhi doori khalti thi,

Aaj ussi se dooriyan badhaya chala jata hoon.

Yaad toh tu bhi mujhe karta hoga,

Har din har pal yahi sochta hoga,

"Itna badal Gaya hai re tu."

Mujhe man hi man zaroor koshta hoga.

Jab bhi tere chaukhat se jaata hoon,

Nazrein Teri khidki par chali jaati hai,

Tera "do minute ruk abhi aata hoon" kehna,

Dil se aatma tak rula jaati hai.

Kya karunga kamyabi ka,

Jab tu mere saath nahi hai,

Dil ko chahe kitna bhi mazboot karoon,

Dimag kehti, "baat toh yeh sahi hai."

Duniya mein dosti se badi koi khushi nahi hoti,

Aur Sache doston ko khone se bada koi gham nahi hotein hai.

Kyunki dosti koi mutual fund ki scheme nahi jo jokhimon ke aadhin hai,

Dosti toh woh Account hai jinki kishtein paise nahi rishtein hotein hai.